Ռուսաստանը որոշած է ժամանակաւոր դադրեցնել հացահատիկի արտահանումը
Մաքսային ենթայանձնաժողովը հաւանութիւն տուած է Ռուսաստանի Դաշնութենէն ԵԱՏՄ երկիրներ հացահատիկային մշակաբոյսերու արտահանման ժամանակաւոր արգելք մտցնելու որոշման: Արգելքը պիտի գործէ մինչեւ 2022 թուականի Օգոստոս 31-ը ցորենի եւ մեսլինի, տարեկանի, գարիի եւ եգիպտացորենի համար:
«Մարտ 10-ին, Ռուսաստանի Տնտեսական զարգացման եւ համալրման կառավարական յանձնաժողովի մաքսային եւ ոչ-սակագնային կարգաւորման, արտաքին առեւտուրի պաշտպանական միջոցառումներու ենթայանձնաժողովը որոշած է ժամանակաւոր արգիլել Ռուսաստանի Դաշնութենէն հացահատիկային մշակաբոյսերի արտահանում ԵԱՏՄ երկիրներ», կ'ըսուի զեկոյցին մէջ:
Գերատեսչութեան մամուլի ծառայութենէն պարզաբանած են, որ համապատասխան առաջարկը ստացոած է Ռուսաստանի Գիւղատնտեսութեան նախարարութենէն:
Նախարարութիւնը յիշեցուցած է, որ ԵԱՏՄ-էն դուրս հացահատիկի արտահանումը արդէն իսկ սահմանափակուած է մաքսային քութաներով եւ արտահանման մաքսատուրքերով, որոնք ներմուծուած են ներքին շուկային մէջ գիները կայունացնելու նպատակով:
