Վարչապետը միջնորդած է յետմահու պարգեւատրել զոհուած 4 զինծառայողները
ՀՀ վարչապետ Նիկոլ Փաշինեան միջնորդութիւն ստորագրած է նախագահ Սարգսեանին՝ զոհուած զինծառայողները յետմահու պարգեւատրելու համար։ Այս մասին կը տեղեկանանք վարչապետի ֆէյսպուքեան էջէն:
Գրառման մէջ մասնաւորապէս նշուած է՝
«Այս պահուն ստորագրեցի՝ Հայաստանի պետական սահմանի Տաւուշի հատուածի պաշտպանութեան ժամանակ զոհուած՝ քսանապետ Գարուշ Համբարձումեանը «Հայրենիքին մատուցած ծառայութիւններու համար» 2-րդ աստիճանի մետալով, հրամանատար Սոս Էլբակեանը Արիութեան մետալով, կրտսեր տասնապետեր Սմբատ Գաբրիէլեանն ու Գրիշա Մաթեւոսեանը Մարտական ծառայութեան մետալներով յետմահու պարգեւատրելու վերաբերեալ Հանրապետութեան նախագահին ուղղուած միջնորդութիւնը:
Կը խոնարհիմ Ձեր եւ Ձեր ընտանիքներուն առաջ՝ նահատակուած եղբայրներ: Մենք պէ՛տք է կարենանք արժանի ըլլալ Ձեզի եւ Ձեր սխրանքին: Եւ պիտի ըլլա՛նք:
Կեցցէ՛ Հայոց յաղթական բանակը»:
