Ո՞վ է Տաւուշեան մարտերու մասնակից, ՀՀ ազգային հերոսի կոչման ներկայացուած Ռուբէն Սանամեանը
Տաւուշեան մարտերու մասնակից, ՀՀ ազգային հերոսի կոչման ներկայացուած հրամանատար Ռուբէն Սանամեանը Տաւուշի մարզի Դիլիջան քաղաքէն է, զինուած ուժերուն մէջ կը ծառայէ 8 տարիէն աւելի: Այս մասին NEWS.am-ի հետ զրոյցի ժամանակ ըսած է փաստաբան Նորայր Նորիկեանը, որ նաեւ նշած է, որ ծանօթ է Սանամեանին ու անոր կատարած սխրանքին:
«Իմ ունեցած խիստ հաւաստի տեղեկութիւններով Ազգային հերոսի կոչման ներկայացուած Ռուբէն Սանամեանի սխրանքը հերոսական է, եւ ան իսկապէս բացառիկ ծառայութիւններ մատուցած է մեր հայրենիքին: Ընդհանրապէս տաւուշեան մարտերուն շատ մեծ եղած է Սանամեանի դերը եւ ռազմաքաղաքկան առումով շատ կարեւոր եղած են տաւուշեան մարտերը»,- ըսած է ան:
Նորիկեանի խօսքով` Սանամեանը իր արիութեամբ աչքի ինկած է 2012 թուականին եւ այն ժամանակ ալ նախկին պաշտպանութեան նախարար Սեյրան Օհանեանի կողմէ պարգեւատրուած է «Մարտական խաչ» 2-րդ աստիճանի շքանշանով:
Աւելի վաղ յայտնած էինք, որ ՀՀ վարչապետ Նիկոլ Փաշինեանը հրամանատար Ռուբէն Սանամեանը Ազգային հերոսի կոչման արժանացնելու եւ «Հայրենիք»-ի շքանշանով պարգեւատրելու միջնորդութիւն ներկայացուցած է նախագահ Արմէն Սարգսեանին:
Նախագահի կողմէն միջնորդութիւնը հաստատուելու պարագային Ռուբէն Սանամեանը պիտի դառնայ Հայաստանի Հանրապետութեան 18-րդ Ազգային հերոսը:
