Միջազգային լրատուամիջոցները չեն կրնար մուտք գործել Ղարաբաղ՝ հրետակոծութեան հետեւանքով
Միջազգային լրատուամիջոցներու խումբը չի կրնար Հայաստանէն մուտք գործել Լեռնային Ղարաբաղ ճանապարհին առկայ վտանգաւոր իրավիճակի պատճառով: Այս մասին կը տեղեկացնէ «ՌԻԱ Նովոսթի»-ն, որուն յայտնած է այնտեղ աշխատող լրագրողներէն մէկը:
«Մենք նախօրէին դուրս եկած ենք Երեւանէն, սակայն յայտնի դարձաւ, որ ճանապարհը հրետակոծութեան տակ է, ռումբը դպած է կամուրջին: Մենք ստիպուած եղանք գիշերել Կորիսի մէջ»,-յայտնած է լրագրողը: Խումբին մէջ են «BBC»-ի, «SkyNews»-ի եւ այլ լրատուամիջոցներու ներկայացուցիչներ:
Արցախի տեղեկատուական կեդրոնը հաստատած է տեղեկութիւնը: «Անոնք (Ատրպէյճանը-խմբ.) արդէն սկսած են կրակ բանալ մեծ հանրակառքերու ուղղութեամբ, «Press» գրառումը այլեւս չի փրկեր: Ատոր համար շատ վտանգաւոր է: Երբ հնարաւոր կ'ըլլայ կազմակերպել անոնց տեղափոխումը, դեռ պարզ չէ»,-յայտնած է կեդրոնի ներկայացուցիչը:
