Հակառակորդը կը փորձէ նոր ամրաշինական աշխատանքներ ծաւալել, իսկ ՀՀ ԶՈՒ-երը կը կասեցնեն նման գործողութիւնները. Ստեփանեան
Հակառակորդը կը փորձէ նոր ամրաշինական աշխատանքներ ծաւալել, որ, բնականաբար, չի նպաստեր սահմանի վտանգներու նուազեցման: Այս մասին «Հայկական ժամանակ»-ի հետ զրոյցի ժամանակ ըսած է ՀՀ ՊՆ մամուլի խօսնակ Շուշան Ստեփանեանը:
«ՀՀ զինուած ուժերը կը կասեցնեն նման գործողութիւնները եւ միաժամանակ կը ձեռնարկեն համապատասխան միջոցներ՝ հետագայ սրացումները կանխելու համար»,- ըսած է Ստեփանեանը:
ՊՆ խօսնակն ընդգծած է՝ հայկական Զինուած ուժերը որեւէ գիւղի ուղղութեամբ կրակ չեն վարած:
Ստեփանեանը նաեւ չէ բացառած այն, որ հակառակորդի աշխոյժութիւնը կրնայ կապուած ըլլալ իրականացուող համատեղ հայ-ռուսական վարժանքներուն հետ:
Նշենք, որ աւելի վաղ Ատրպէյճանի պաշտպանութեան նախարարութիւնը յայտնած էր, թէ իբրեւ թէ հայկական զինուած ուժերը կը փորձեն սրել իրավիճակը՝ խախտելով հրադադարի ռեժիմը Թովուզի ուղղութեամբ՝ մասնաւորապէս կրակ բանալով Ալիպէյլի գիւղի ուղղութեամբ:
