Թէ՛ թիկունքին, թէ՛ առաջնագիծին բոլորը քաջ կը գիտակցին իրենց ընելիքները. Արայիկ Յարութիւնեան

Արցախի Հանրապետութեան նախագահ Արայիկ Յարութիւնեանն իր ֆեյսպուքեան էջին գրած է․

«Սիրելի ՛ հայրենակիցներ

Անցած գիշեր առաջնագիծին, ընդհանուր առմամբ, պահպանուած է յարաբերական կայուն վիճակը: Պաշտպանութեան բանակը կը շարունակէ փայլուն եւ արհեստավարժ կերպով կատարել իր առջեւ դրուած մարտական խնդիրը:

Պատերազմական իրավիճակին յատուկ պայմաններու մէջ արդիւնաւէտ  կը գործեն նաեւ պետական կառավարման բոլոր օղակները: Թէ՛ թիկունքին, թէ՛ առաջնագիծին բոլորը քաջ կը գիտակցին իրենց ընելիքները:

Ամէն ինչ կը գտնուի իմ անմիջական ու լիարժէք վերահսկողութեան ու համակարգման ներքոյ:

Յաղթանակը մերը պիտի ըլլայ, վստա՛հ եղէք»: