Արցախի մէջ գրանցուած է «Քորոնա» ժահրով վարակման եւս 7 դէպք, վարակուածներու ընդհանուր թիւը հասած է 268-ի
Image
ԱՀ առողջապահութեան նախարարութեան տրամադրած տեղեկատւութեան համաձայն՝ Արցախի մէջ նոր «Քորոնա» ժահրային վարակը (COVID-19) հաստատուած է եւս 7 քաղաքացիի մօտ: Վարակակիրներէն 5-ը` Ստեփանակերտ քաղաքէն են, նախորդ օրը հաստատուած օճախի հետ շփման մէջ եղողներ: 2 դէպք յայտնաբերուած է Մարտակերտ քաղաքի բնակիչներու մօտ, միեւնոյն ընտանիքի անդամներ են, որոնք վերադարձած են ՀՀ-էն:
Առայսօր նոր «Քորոնա» ժահրային հիւանդութիւնը հաստատուած է 268 մարդու մօտ, որմէ 248-ը յաղթահարած է հիւանդութիւնը:
Փաստացի բուժում կը ստանայ 18, ընդհանուր մեկուսացուած է 31 քաղաքացի: Բժիշկները 2 հիւանդի առողջական վիճակը կը գնահատեն ծանր, 2-ինը՝ միջին ծանրութեան:
Քննութիւններու նպատակով 149 նմուշառում իրականացուած է:
Մինչ այսօր կատարուած է 8522 փորձանմուշի հետազօտութիւն:
