Հայազգի գիտնականը՝ Arms Control Person of the Year մրցանակակիր
Մեսեչուսեցի Արհեստագիտական հիմնարկի (MIT) գիտնական փրոֆէսորներէն Արեգ Դանակիւլեան եւ անոր գիտական աշխատախումբը արժանացած է «Տարուան Մարդ»ը («Arms Control Person of the Year») մրցանակին:
Arms Control Association-ը տարուայ մարդ կը հռչակէ այն անձերուն կամ հիմնարկութիւններուն, որոնք շօշափելի գործ կը տեսնեն զէնքերը հակակշռելու, զէնքերու տարածումին արգելք ըլլալու կամ զէնքի սպառնալիքներու մասին իրազեկուածութեան բարձրացման արդիւնաւէտ տարբերակներ առաջարկելու գործերուն մէջ։
Արեգ Դանակիւլեանը եւ անոր գիտական խումբը այս մրցանակին արժանի նկատուեցան նիւթրոնի ճառագայթներու միջոցով միջուկային զինաթափման ստուգման նորարարական գործընթաց մշակելու համար:
Քուէարկութիւնը իրականացած էր 12 Դեկտեմբերէն 9 Յունուարի միջեւ եւ Արեգ Դանակիւլեան ու իր աշխատախումբը առաւելագոյն ձայներ ստացած են, իրենց ետին ձգելով միւս թեկնածուները, ինչպէս՝ Ֆրանսայի նախագահ Մաքրոնը եւ Շուէտի արտաքին գործոց նախարարութիւնը։
Մետիամաքսին Արեգ Դանակիւլեանն աւելի վաղ ըսած էր, որ «մրցանակը ստանալն իրենց համար կարեւոր է այնքանով, որ այն ցոյց կու տայ, որ աշխարհը կը տեսնէ գիտութեան կարեւորութիւնը մեր երեխաներու անվտանգ եւ խաղաղ ապագան կերտելու համար, ինչպէս նաեւ հայ գիտնականներու ներդրումը այդ կարեւորագոյն գործին մէջ»:
