Թրքական բանակը վերահսկողութիւն հաստատած է Ռաս Ուլ Այն քաղաքի վրայ
«Սուրիոյ դեմոկրատական ուժեր» զօրամիաւորումը սկսած է դուրս բերել իր ջոկատները սուրիական սահմանամերձ Ռաս Ուլ Այն քաղաքէն: Այս մասին յայտնած է «ԹԱՍՍ» գործակալութիւնը՝ յղում ընելով արաբական աղբիւրներուն:
Հաղորդուող լուրերու համաձայն՝ քրտական ջոկատները սկսած են տարհանուիլ Հասաքէ նահանգի հիւսիս-արեւմտեան շրջանէն: Անոնք կ'ուղեւորուին նահանգի կեդրոնական շրջաններ՝ ըստ ԱՄՆ-ի եւ Թուրքիոյ միջեւ ձեռք բերուած պայմանաւորուածութեան:
Աւելի ուշ «Ալ-Արապիա» հեռուստաալքիը յայտնած է, որ թրքական զօրքերը եւ անոնց աջակցող սուրիական ընդդիմութեան ուժերը վերահսկողութեան տակ առած են Ռաս Ուլ Այն քաղաքը:
17 Հոկտեմբերին Ուաշինկթընն ու Անգարան համաձայնութեան եկած են Սուրիոյ հիւսիսը ռազմական գործողութիւնները դադրեցնելու մասին, որմէ ետք քրտական զօրամիաւորումները պարտաւորուած են ազատել սահմանի երկայնքով 30 քմ տարածութեամբ ձգուող շրջանները:
