Արցախեան զեկոյցէն ետք Պաքու բողոք ներկայացուցած է
Պաքու բողոքի գիր յղած է ՄԱԿ-ի գլխաւոր քարտուղարին ՝ Հայաստանի կողմէ Արցախի Հանրապետութեան Լեռնային Ղարաբաղի մասին փաստաթուղթի տարածման կապակցութեամբ:
ՄԱԿ-ի մէջ զեկոյցը տարածուած է՝ «Արցախի ժողովուրդի ինքնորոշման իրաւունքի հիման վրայ ժողովրդավարական պետութիւն կառուցելու եւ տնտեսական, ընկերային ու մշակութային զարգացում ապահովելու նպատակով Արցախի իշխանութիւններու վարած քաղաքականութեան վերաբերեալ»:
Ատրպէյճանի դիւանագիտական գերատեսչութիւնը յայտարարած է, որ Երեւանը «չարաշահած է իր անդամակցութեան իրաւունքը եւ անջատական ապօրինի ռեժիմի մասին թուղթեր տարածած»:
Լեռնային Ղարաբաղի դիւանագիտական գերատեսչութեան հեղինակած այդ փաստաթուղթին մէջ, որ տեղադրուած է ՄԱԿ-ի պաշտօնական կայքէջին մէջ, ներկայացուած է տեղեկատւութիւն երկրի տարբեր ոլորտներուն մէջ առաջընթացի մասին:
