Փաշինեանը տնտեսական համաժողովի մասնակցութեան համար Լեհաստան պիտի մեկնի

ՀՀ վարչապետ Նիկոլ Փաշինեանը պիտի մասնակցի 29-րդ միջազգային տնտեսական համաժողովին, որ տեղի պիտի ունենայ Լեհաստանի Քրինիցա-Զրտույ քաղաքին մէջ։ «Համաժողովին պիտի մասնակցին շուրջ 4,5 հազար մասնակիցներ տարբեր մայրցամաքներէ։ Անոնք պիտի խօսին միջազգային քաղաքական եւ տնտեսական յարաբերութիւններու հիմնական հարցերու մասին։ Կարեւոր հիւրերէն մէկը պիտի ըլլայ Հայաստանի վարչապետ Նիկոլ Փաշինեանը»,–ըսուած է համաժողովի կայքէջին մէջ։