Ճամբարակի ուղղութեամբ հակառակորդը կիրառած է ՀԱՆ-17 տիպի նռնականետ

Հայ-ատրպէյճանական սահմանին, Յուլիս 19 լոյս 20-ին, ինչպէս նաեւ այս պահուն, պահպանուած է յարաբերական անդորր։ Հակառակորդը սահմանի առանձին հատուածներու վրայ՝ հրաձգային զինատեսակներով՝ խախտած է հրադադարը 9 անգամ` հայկական դիրքերու ուղղութեամբ արձակելով շուրջ 137 կրակոց: Այս մասին 

ֆէյսպուքի իր էջին գրած է ՊՆ մամուլի խօսնակ Շուշան Ստեփանեանը:

«Ճամբարակի ուղղութեամբ տեղակայուած մարտական դիրքեր. 2 անգամ, ընդ որում՝ հակառակորդը կիրառած է ՀԱՆ-17 տիպի նռնականետ։ Հայկական կողմի պատասխան կրակով հակառակորդը լռեցուած է։

Չինարի, Ներքին Կարմիրաղբիւր, Բերքաբեր, Բերդավան ուղղութեամբ տեղակայուած մարտական դիրքեր. ոչ նպատակային կրակ վարուած է 4 անգամ։ Հայկական կողմէն պատասխան կրակ չէ եղած։

Խնձորուտի ուղղութեամբ տեղակայուած մարտական դիրքեր. ոչ նպատակային կրակ վարուած է 2 անգամ։ Հայկական կողմէն պատասխան կրակ չէ եղած»,- յայտնած է Ստեփանեանը։

Ան նաեւ տեղեկացուցած է, որ հակառակորդը մէկ անգամ կրակած է նաեւ Պարոյր Սեւակի ուղղութեամբ տեղակայուած մարտական դիրքեր, սակայն հայկական կողմի պատասխան կրակով հակառակորդը լռեցուած է։