Հայաստանը պատրաստ է հիւրընկալել Եւրասիական խորհուրդի նիստը
ՀՀ վարչապետ Նիկոլ Փաշինեանը պատրաստակամութիւն յայտնած է աշնան Հայաստանի մէջ ընդունելու Եւրասիական միջկառավարական խորհուրդի հերթական նիստը։ «Արմէնբրես»-ի փոխանցմամբ` այս մասին Փաշինեանն ըսած է 10 ապրիլին ընթացող Եւրասիական միջկառավարական խորհուրդի տեսաքոնֆերանսի ընթացքին։
«Հայաստանը պատրաստ է այս աշնանն ընդունելու միջկառավարական խորհուրդի հերթական նիստը։ Յոյս ունինք որ մինչ այդ համավարակն արդէն յաղթահարուած պիտի ըլլայ»,-ըսած է Փաշինեանը։
Եւրասիական միջկառավարական խորհուրդի նիստը, որ պէտք է հիւրընկալէր Մինսքը, կը կայանայ տեսաքոնֆերանսի միջոցով` աշխարհի մէջ «Քորոնա» ժահրի համավարակի տարածման պատճառով։ Աշխարհի մէջ «Քորոնա» ժահրի հաստատուած դէպքերու թիւն անցած է 1 մլն 608 հազարը։ Համավարակէն ապաքինուած է 358 հազար 15 մարդ, մահացած` 95 հազար 837-ը։
