Կարեւոր զարգացում Երեւանի մէջ. Գագիկ Խաչատրեան ձերբակալուեցաւ
Image
Պաշտօնէական դիրքի չարաշահման եւ առանձնապէս խոշոր չափերով գոյքի վատնման կասկածանքով այսօր ձերբակալուած է Գագիկ Խաչատրեանը։ Այս մասին տեղեկութիւնը հաղորդեց Ազգային անվտանգութեան ծառայութեան (ԱԱԾ) պաշտօնական կայքէջը։
Նշենք, որ Ազգային անվտանգութեան ծառայութեան քննչական բաժանմունքը խուզարկութիւն իրականացուցած է Գագիկ Խաչատրեանին պատկանող բնակարանին, առանձնատան, տարածքներուն մէջ, ինչպէս նաեւ Գագիկ Խաչատրեանի հետ կապ ունեցող այլ անձանց տարածքներուն եւ առանձնատուներուն մէջ:
Ըստ ԱԱԾ հաղորդագրութեան, նախաքննութիւնը կը շարունակուի։ Լրագրողներու հետ զրոյցի ժամանակ Ազգային անվտանգութեան ծառայութեան տնօրէն Արթուր Վանեցեանը յայտնած է, որ չի բացառուիր, որ մեղադրանքը լրացուի նաեւ այլ յօդուածներով։
