Ծննդեան օրուան առթիւ Նախագահ Արմէն Սարգսեան շնորհաւորած է Բակօ Սահակեանը
Հայաստանի Հանրապետութեան նախագահ Արմեն Սարգսեան շնորհաւորական ուղերձ յղած է Արցախի Հանրապետութեան նախագահ Բակօ Սահակեանին՝ ծննդեան օրուան առթիւ: Ուղերձին մէջ, մասնաւորապէս, ըսուած է.
«Մեծարգոյ պարոն նախագահ,
Ընդունեցէք անկեղծ շնորհաւորանքներս եւ ջերմ բարեմաղթանքներս Ձեր ծննդեան տարեդարձի առթիւ:
Աւելի քան քառորդ դար Արցախը կը կերտէ իր պայքարի, ազատութեան եւ ինքնիշխանութեան պատմութիւնը՝ ստեղծելով եւ ամրապնդելով պետական կառավարման եւ ժողովրդավարական հաստատութիւններ: Այդ ժամանակահատուածի մէկ տասնամեակէն աւելին որպէս Արցախի նախագահ Ձեր պաշտոնավարման շրջանն է, երբ հայկական աշխարհի պատմական մէկ հատուածում շարունակած է լիարժեքորէն կայանալ եւ զարգանալ Արցախի հայկական հանրապետութիւնը:
Դուք Ձեր փորձը, հեղինակութիւնը եւ դժուար իրավիճակները արժանապատուորէն հանգուցալուծելու հմտութիւնները ի շահ Արցախի ծառայեցուցած էք նաեւ ատկէ առաջ՝ թէ արցախեան ազատագրական պայքարի եւ պատերազմի, թէ տարբեր պետական պաշտոններ զբաղեցնելու տարիներուն: Իսկ ժողովրդի վստահութեան քուէով երկու ժամկետ որպէս Արցախի նախագահ պաշտոնավարելը վստահաբար կը վկայէ, որ Դուք հասած էք յաջողութեան:
Թող այդ յաջողութիւնը Ձեզ մշտապէս ուղեկցէ բոլոր պետական եւ ազգային ձեռնարկներուն եւ անձնական կեանքի ընթացքին:
Առողջութիւն եւ ամենայն բարիք Ձեզ եւ Ձեր ընտանիքին»:
