Խոսրովի  անտառի արգելոցի մօտ  բռնկած  հրդեհը  մարուած է

26 Օգոստոսին անօդաչու սարքերու միջոցով իրականացուած  հետախուզական  աշխատանքի  ճամբով Արարատի մարզի Խոսրովի անտառ պետական արգելոց տանող ճամբուն վրայ՝ «Մեղրաքար» կոչուող հատուածը, հրդեհի եւ ծխացող նոր օճախներ չեն յայտնաբերուած:

ՀՀ ԱԻՆ տեղեկատւութեան եւ հասարակայնութեան հետ կապերու վարչութենէն յայտնած են, որ  Խոսրովի   անտառ-արգելոցի մօտ  ծագած  հրդեհը մարած է։  Կը նշուի  նաեւ,  որ այրած է մօտ 50 հազար բուսածածկ տարածք:

Աղբիւրը  կը նշէ, թէ անօդաչու սարքերու միջոցով իրականացուած  հետախուզական աշխատանքի  ճամբով պարզ դարձած է,  որ Խոսրով Անտառ-արգելոցի  շրջանին  մէջ  նոր հրդեհներու օճախներ չեն երեւցած։

Յիշեցնենք, որ 23 Օգոստոսին, ժամը 12:07-ին հրդեհ բռնուած էր Արարատի մարզի Խոսրովի անտառ պետական արգելոց տանող ճամբուն վրայ։