Դրական գնահատականներ՝ Հայաստանին. Արժոյթի Միջազգային Հիմնադրամը դրական խօսք հնչեցուց Հայաստանի մասին
Արժոյթի միջազգային հիմնադրամը (ԱՄՀ) դրական գնահատած է Հայաստանի մէջ տեղի ունեցող տնտեսական բարեփոխումները: Ըստ ԱՄՀ-ի, Հայաստանի տնտեսական կատարողականը զօրաւոր է առողջ աճով, ցած գնաճով, կայուն ֆինանսական համակարգով՝ արտաքին պահուստներու աճի եւ աւելի բարձր եկամուտներու պայմաններու մէջ:
ԱՄՀ-ն այս գնահատականը տուած է «Սթենտ-Պայ» վարկային պայմանաւորուածութեան Հայաստանի կատարողականի առաջին ամփոփման շրջանածիրէն ներս։ Կազմակերպութիւնն ընդգծած է՝ կարեւոր է պահպանել բարեփոխումներու թափը՝ եկամուտներու հաւաքագրումն ամրապնդելու, այդ շարքին` գոյքի հարկման ոլորտին մէջ բարեփոխումներն աւարտին հասցնելու համար:
ԱՄՀ-ի գնահատմամբ՝ Քոռուփցիայի դէմ պայքարի համապարփակ համակարգ ստեղծելու միջոցով կառավարման բարելաւմանն ուղղուած ջանքերը կ'ամրապնդեն կայուն եւ ներառական աճը:
