Արցախի հարցում Հայաստանի և Ղարաբաղի իշխանությունների պատկերացումները նույնական են․ Նիկոլ Փաշինյան
Հայաստանի եւ Ղարաբաղի իշխանութիւններու պատկերացումները Արցախի հարցի կարգաւորման վերաբերեալ նոյնական են։ Այս մասին 3 նոյեմբերին, «Զրոյց քաղաքացիի հետ։ Շահարկումներ Ղարաբաղի հարցով» վերնագրուած ֆէյսպուքեան ուղիղ եթերի ժամանակ ըսած է ՀՀ վարչապետ Նիկոլ Փաշինեանը՝ պատասխանելով այն շահարկումներուն, թէ Արցախի հարցով Հայաստանի եւ Ղարաբաղի իշխանութիւնները հակասութիւններ ունին։
«Ես կրնամ յստակ արձանագրել մէկ բան, որ Հայաստանի իշխանութեան եւ Ղարաբաղի իշխանութեան պատկերացումները Արցախի հարցի կարգաւորման վերաբերեալ նոյնական են։ Սա չափազանց կարեւոր արձանագրում է, եւ այլ կերպ ուղղակի չի կրնար ըլլալ։ Այս թեմայով շահարկումները ծիծաղելի են։ Ես ըսեր եմ, որ աշխատանքային տարբեր հարցերու վերաբերեալ կրնան ըլլալ տարբեր մօտեցումներ․․․ Ես յաճախ քննարկում կ'ունենամ Արցախի իշխանութեան, Արցախի նախագահ Բակօ Սահակեանի հետ, եւ վերջին օրերուն ալ այդպիսի քննարկում ունեցած ենք»,-նշած է ան։
