«Պետական համակարգին մէջ ծրարով աշխատավարձ ստացողներ չկան եւ պիտի չըլլան». Նիկոլ Փաշինեան
ՀՀ վարչապետ Նիկոլ Փաշինեան համոզուած է, որ պետական համակարգին մէջ ներկայիս, ծրարով աշխատավարձ ստանալու դէպքեր չկան եւ պէտք չէ ըլլան: Վարչապետը կոչ կ'ուղղէ նման բան նկատելու պարագային անպայման յայտնել: Փաշինեան այս մասին վստահեցուցած է Ազգային Ժողովին մէջ, կառավարութեան անդամներու հետ հարց ու պատասխանի ժամանակ, պատասխանելով Լուսաւոր Հայաստան խմբակցութեան պատգամաւոր Մանէ Թանդիլեանի հարցումին:
Վարչապետը մասնաւորապէս ըսած է ՝ «Ինչ կը վերաբերի այսօրուան կառավարութեան անդամներուն, ես նախարարները հարցաքննելու սովորութիւն չունիմ եւ ցանկութիւն ալ չունեմ: Եւ, երբ ի վերջոյ իրաւապահ մարմինները այնքան արդիւնաւէտ կ'ըլլան, որ կը հասցնեն իմ բոլոր յայտարարութիւններով զբաղուիլ, կը կարծեմ, որ այդ կը նշանակէ, որ մենք համակարգային լուրջ յաջողութիւններու հասած ենք»,-ըսաւ վարչապետը ու շեշտեց, որ յանձնարարելու կարիք չկայ, որ իրաւապահ մարմինները պէտք է այդ գործով զբաղին:
Ան նկատեց, որ նման գործընթաց կրնայ տեղի ունենալ երկու մարդու միջեւ, եւ այդ գործընթացներու բացայայտման հետ կապուած ամէն ինչ չէ, որ հեշտ է: «Յամենայնդէպս այն պահին, երբ ես նման յայտարարութիւնն ըրեր եմ եւ անկէ ալ շատ առաջ, այդ երեւոյթն արդէն իսկ դադարեցուած եղած է, բացառուած է նման երեւոյթի գոյութիւնը: Եւ եթէ յանկարծ այդպիսի տեղեկութիւններ ունենաք, կը խնդրեմ անպայման յայտնէք այդ մասին: Այդպիսի բան չկայ եւ պէտք չէ ըլլայ»,-վստահեցուց Փաշինեանը:
