«Մեր զինուորները պատուով կատարեցին իրենց խնդիրը» Նախարար Տօնոյեան
Image
Մոսկուայի յոբելենական զօրահանդէսին մասնակցելու նապատակով Ռուսաստան մեկնած հայկական զօրախումբը պատուով կատարած է իր առաջ դրուած խնդիրը։
Այս մասին արտայայտուած է ՀՀ Պաշտպանութեան նախարար Դաւիթ Տօնոյեանը. ի դէպ այդ մասին գրառում կատարած է ՀՀ ՊՆ-ի մամլոյ խօսնակ ՝ Շուշան Ստեփանեանը։
Ստեփանեան մասնաւորապէս գրած է ՝
«75 սպայ ու զինուոր՝ գնդապետ Աշոտ Յակոբեանի գլխաւորութեամբ՝ այսօր անցան Մոսկուայի Կարմիր հրապարակով՝ ամբողջ աշխարհին յիշեցնելով Մեծ յաղթանակի գործին մէջ հայ ժողովուրդի ունեցած դերակատարման մասին, նաեւ ներկայացնելով ներկայիս հայկական պետութեան զինուած ուժերու պատրաստուածութիւնը:
Պաշտպանութեան նախարար Դաւիթ Տօնոյեան մեր զինծառայողներուն քայլքը բարձր գնահատեց եւ նշեց, որ մասնակիցները իրենց խնդիրը կատարեցին պատշաճ մակարդակով»:
